زيب ڪنگو

زيب ڪنگو: سنڌي ٻوليءَ جو مشھور شاعر. سندس اصل نالو اورنگزيب ولد قادر ڏنو آھي. پھرين مارچ 1960ع تي، ڳوٺ ڪنگا، تعلقي ۽ ضلعي لاڙڪاڻي ۾ پيدا ٿيو. ابتدائي تعيلم پنھنجي ڳوٺ مان جڏھن ته مئٽرڪ ۽ پوسٽ گريجوئيشن جون ڊگريون لاڙڪاڻي مان حاصل ڪيون. 1984ع ۾ سنڌ جي جيل کاتي ۾ ’اسسٽنٽ سپرنٽنڊنٽ‘ جيل مقرر ٿيو ۽ 2020ع ۾ سپرنٽنڊنٽ جي عھدي تان رٽائرڊ ٿيو. ھن لکڻ جي شروعات 1990ع کان ڪئي. سندس شاعري سنڌ جي مختلف ادبي رسالن ۾ ڇپجندي رهي آهي. سندس شاعريءَ جو پھريون ڪتاب ”احساس جون ڪتڪتايون“ (2003ع) ، ٻيو ڪتاب ”خواب رقص ۾“ (2020ع) ۽ ديد جو درشن (2023ع) شايع ٿي چڪا آهن. پير چنڊامي'>اشرف زمان پير چنڊامي، شاعريءَ ۾ سندس استاد رھيو. ڊيوٽي دوران ’پرزن مئگزين‘ ۽ ’سنڌ پرزن رويو‘ رسالن جو (2014ع، 2019ع ۽ 2020ع ) چيف ايڊيٽر ٿي رھيو. هن غزل، گيت، وائي، نظم، چؤسٽا ۽ دوها، ڪنٺ، ٽيڙو نعت ۽ بيت تي طبع آزمائي ڪئي آهي. سندس شاعري سنڌ جي مشھور راڳين: عاشق نظاماڻي، شمن علي ميرالي، غلام علي سنديلي، برڪت علي گوپانگ، نجب علي وسطڙي، مختيار سنڌي، وحيد هڪڙي، سنان خان، امانت علي، وزير علي عمراڻي، اسد ڪنگي ۽ ٻين ڳائي آھي.

داخلا ۾ استعمال ٿيل تاريخون

1960.03.01  عيسوي

سنڌي ٻوليءَ جو مشھور شاعر. سندس اصل نالو اورنگزيب ولد قادر ڏنو آھي. پھرين مارچ 1960ع تي، ڳوٺ ڪنگا، تعلقي ۽ ضلعي لاڙڪاڻي ۾ پيدا ٿيو.

شاعر - ڀاڱي جون ٻِيون داخلائون